Баян-Өлгий аймгийн ИТХ-ын ээлжит 3 дугаар хуралдаанаар 7 асуудал хэлэлцэнэ

Баян-Өлгий аймгийн ИТХ-ын Тэргүүлэгчид энэ сарын 11-ний өдөр хуралдаж, аймгийн ИТХ-ын ээлжит 3 дугаар хуралдааныг 2021 оны 02 дугаар сарын 25-ний өдөр хуралдуулахаар товлон зарласан.

Үүнтэй холбогдуулан өчигдөр дахин хуралдаж маргааш болох аймгийн Иргэдийн Төлөөлөгчдийн хурлын ээлжит 3 дугаар хуралдаанаар хэлэлцэх асуудлын төлөвлөгөөг баталлаа.

Ээлжит хуралдаанаар дараах асуудлыг авч хэлэлцэнэ. Үүнд:

  1. Аймгийн төрийн өмчийн ерөнхий боловсролын сургууль, цэцэрлэгийн багшийг сонгон шалгаруулах журам батлах тухай
  2. “Эрүүл зан үйлийг дэмжсэн Архидалтгүй аймаг Баян-Өлгий-2” дэд хөтөлбөр батлах тухай
  3. Элсэлтийн ерөнхий шалгалтын үр дүнг дээшлүүлэх хөтөлбөр-2 батлах тухай
  4. Аймгийн Гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүн, ажиллах журмыг шинэчлэн батлах тухай
  5. Газар зохион байгуулалтын төлөвлөгөөнд өөрчлөлт оруулах тухай
  6. Орон нутгийн хөгжлийн сангаар хэрэгжих зарим төсөл арга хэмжээний нэрийг өөрчлөх, зохицуулалт хийх тухай
  7. Орон нутгийн төсвийн урьд оны үлдэгдлийг хуваарилах тухай нийт долоон асуудлыг хэлэлцэхээр боллоо.
Түгээх

You May Also Like