Мэндчилгээ

Хүн ардынхаа аюулгүй, амар тайван амьдралыг сахин хамгаалах эрхэм үүргээ нэр төртэй биелүүлж буй Цагдаагийн байгууллагынхандаа түүхт ойн баярын мэнд хүргэе.
Төрийн цагдаа хэмээх нэр төрийг өндөрт өргөж явсан үе үеийн ахмадууд болон өнөө цагийн хүндэт цагдаа та бүхний ажил үйлсээр бахархаж, цаг наргүй хөдөлмөрийг тань үнэлж, дэмжихийг ямагт хичээдэг билээ.
Баян-Өлгий аймаг дахь цагдаагийн газар нь Дотоод явдлын яамны Улсын цагдан сэргийлэх газрын даргын 1940 оны 223 дугаар тушаалаар Улсын цагдан сэргийлэх газрын “Баян-Өлгий аймаг дахь цагдан сэргийлэх анги” нэртэйгээр анх байгуулагджээ.
Эдүгээ Баян-Өлгий аймаг дахь цагдаагийн газар нь 81 дэх жилтэйгээ золгож байна.
Цагдаагийн байгууллага түүхийн хугацаандаа өлгий нутгийн ард түмний талархлыг хүлээж, иргэдийнхээ эрүүл энх, амар амгалан амьдралын төлөө нэг ч хором сэрэмж алдсангүй.
Төрөө төвшин, түмэн олноо амгалан байлгахын төлөөх хөдөлмөр, сэтгэл зүтгэлээ зориулж буй ЦАГДАА таны алдрыг магтаж, эрүүл энх сайн сайхан бүхнийг хүсэн ерөөе.

You May Also Like