Эх дэлхийд түүхээрээ гайхуулсан Монгол Тулгар төр байгуулагдсаны түүхт 2230, 2231 жилийн, Их Монгол Улс байгуулагдсаны 815, 816 жилийн, Тусгаар тогтнолоо сэргээн мандуулсны 110, 111 жилийн, Ардын хувьсгалын 100, 101 жилийн ойн Үндэсний их баяр наадмыг энэ сарын 10, 11-ний өдрүүдэд зохион байгуулна. Үндэсний их баяр наадмыг угтан зохион байгуулах урлаг, соёлын арга хэмжээнүүд энэ сарын 08-ны өдрөөс буюу өнөөдөр “Айтыс” буюу харилцаа дууны тэмцээнээр эхлэлээ.
“Айтыс” тэмцээн аймгийн М.Хурманханы нэрэмжит Хөгжимт драмын театрт зохион байгуулагдаж, аймгийн Засаг дарга Д.Бауыржан нээж, баярын мэндчилгээ дэвшүүллээ. Уг тэмцээнд Улаанхус, Ногооннуур, Бугат, Алтай, Дэлүүн, Өлгий, Баяннуур сумдаас нэг нэг оролцогч болон Казакстан улсаас нэг оролцогч, нийт 8 оролцогч оролцлоо. Харилцаа дуу “Айтыс” тэмцээнд оролцогчид уламжлал ёсоор урьдчилан ямар нэгэн бэлтгэл хийхгүйгээр, тухайн нөхцөл байдал, баяр ёслолын агуулгад тааруулан шүлгээ зохиож домбордож дуулан өрсөлдөж
1-р байр Казакстан улсаас оролцсон С.Хавдыжалел
2-р байр Алтай сум А.Инкарбек
3-р байр Бугат сум С.Бержан
4-р байр Ж.Хайнар нар тус тус эзэллээ
Үндэсний их баяр наадмыг тохиолдуулан Харилцаа дуу “Айтыс” тэмцээнийг зохион байгуулахаас гадна, нөгөө талаас Казах түмний өв соёлыг залуу хойч үед өвлүүлэн үлдээх, сурталчлан таниулах зорилгоор ийнхүү зохион байгуулагдлаа.
