ЭНЭ ЖИЛИЙН ЭХНИЙ ЭЭЛЖИЙН ТӨРИЙН АЛБАНЫ ЕРӨНХИЙ ШАЛГАЛТ ӨНӨӨДӨР ОРОН ДАЯАР НЭГЭН ЗЭРЭГ ЭХЭЛЛЭЭ

Монгол Улсын төрийн албан хаагчийн нөөцийг бүрдүүлэх зорилгоор зохион байгуулдаг төрийн албаны ерөнхий шалгалтын үйл ажиллагааны нээлт болж, орон даяар нэгэн зэрэг эхэллээ.

Энэ удаагийн шалгалтад Баян-Өлгий аймгаас 219 иргэн бүртгүүлсэн байна. Шалгалт гуравдугаар сарын 16, 17 -ны өдрүүдэд зохион байгуулагдаж дуусах юм.

Төрийн албаны зөвлөлийн Баян-Өлгий аймаг дахь салбар зөвлөл 1 өдөрт 5 ээлжээр 1 ээлжид 22 иргэнийг оруулахаар бэлтгэлээ хангасан. Үүнээс гадна шалгалтын ил тод байдлыг ханган шалгуулагч болон иргэдэд шалгалтын үйл явцыг дэлгэцээр хөндлөнгөөс ажиглах боломжоор хангаж, зохион байгуулж байна.

You May Also Like