АЙМГИЙН ИТХ-ЫН ЭЭЛЖИТ БУС XIII ДУГААР ХУРАЛДААН БОЛЖ БАЙНА

Аймгийн ИТХ-ын ээлжит бус XIII дугаар хуралдаан өнөөдөр /2023.03.17/ 10 цаг 47 минутад 38 төлөөлөгчөөс 26 төлөөлөгч хүрэлцэн ирснээр 68.4 хувийн ирцтэй эхлэв.

Хуралдааны эхэнд аймгийн ИТХ-ын дарга Н.Бейбитхан эрүүл мэндийн шалтгааны улмаас удаан хугацаагаар гадаадад эмчлүүлэхээр явах шаардлага гарсан тул өөрийн хүсэлтээр үүрэгт ажлаасаа чөлөөлөгдөх мэдэгдсэн ба аймгийн ИТХ-ын даргын суудлын төлөө З.Жолаушыбай, Ш.Хавыл нар өрсөлдөж, хуулийн дагуу нууц санал хураалт явуулахад төлөөлөгчдийн олонхын саналаар аймгийн ИТХ-ын даргаар Ш.Хавыл сонгогдлоо.

 

Өнөөдрийн хуралдаанаар дараах асуудлыг хэлэлцэж байгаа ба газар, нэгжийн удирдлагууд оролцож байна.

  1. “Нээлттэй – Өлгий” аймгийн дэд хөтөлбөрийг батлах тухай
  2. “Хос бичигтэн” аймгийн дэд хөтөлбөр батлах тухай
  3. “Элсэлтийн ерөнхий шалгалтын үр дүнг дээшлүүлэх- III” аймгийн дэд хөтөлбөр батлах тухай
  4. “Аялал жуулчлалыг хөгжүүлэх” аймгийн дэд хөтөлбөр батлах тухай
  5. Байгалийн ургамлын экологи – эдийн засгийн үнэлгээ тогтоох тухай
  6. Аймгийн Баяр наадмыг тэмдэглэн өнгөрүүлэх хорооны бүрэлдэхүүн, дүрэм батлах тухай
  7. Зарим орон нутгийн өмчийг бүртгэх, шилжүүлэх, актлах, дуудлага худалдаанд оруулах тухай
  8. Орон нутгийн хөгжлийн сангийн хөрөнгөд өөрчлөлт оруулах тухай
  9. Аймгийн ИТХ-ын Төлөөлөгчийн ёс зүйн дүрэмд нэмэлт өөрчлөлт оруулах тухай
  10. Аймгийн Сонгуулийн хороо байгуулах тухай

You May Also Like