“ЦАХИМД ХЭВШЬЕ” уриан дор үндэсний хэмжээнд өрнөж буй “Цахим хөгжлийн өдөрлөг” арга хэмжээ аймгийн Төрийн нэгдсэн үйлчилгээний төвийн хурлын танхим болон Хөгжимт драмын театрт нэгэн зэрэг зохион байгуулагдаж байна.
Аймгийн Хөгжимт драмын театрт “ЦАХИМД ХЭВШЬЕ” DIGITAL FIRST-D1 EXPO болон тус өдөрлөгийн хүрээнд Ерөнхий боловсролын сургуулийн ахлах ангийн сурагчдад мэдээлэл технологийн салбарын ирээдүйн хөгжил, өнөөгийн нөхцөлд өргөнөөр хэрэглэж байгаа программ болон техник хангамж, цаашдын чиг хандлагын талаарх мэдлэгийг олгох хэлэлцүүлэг, уулзалт сургалтыг Цахим хөгжил харилцаа холбооны яамны болон Харилцаа холбооны Зохицуулах хорооны Зохицуулалтын газрын мэргэжилтнүүд зохион байгуулж, сурагчдад цаашдын төлөвлөлт, эзэмших мэргэжлээ хэрхэн зөв сонгох талаар нээлттэй харилцан ярилцаж байна.
